Arredor de 40 persoas participaron este sábado 18 no primeiro dos roteiros organizados pola Plataforma en defensa dos Montes do Morrazo para defender e dar a coñecer a grande riqueza natural, paisaxística e patrimonial destes montes.
Lembramos que a pesares de que son un espazo natural protexido está ameazado por numerosos proxectos como son polígonos industriais e un parque eólico recentemente adxudicado á empresa Enel Power Green.
O primeiro roteiro contra o parque eólico comezou pouco despois das 10 da mañá en Chan de Arquiña onde os e as numerosas participantes puideron escoitar unha breve explicación por parte do arqueólogo moañés Alexandre sobre a riqueza patrimonial existentes nos Montes do Morrazo.
O roteiro que durou aproximadamente 4 horas percorreu as cimas do Morrazo, desde Monte Faro de Domaio até Coto do Home desde onde os e as participantes do roteiro, a pesares de non estar un día totalmente claro, puideron disfrutar dunhas impresionantes vistas sobre as rías galegas e os montes do Barbanza e do norte de Portugal.
No hay comentarios:
Publicar un comentario